GUBOT PAS BAGYO

 BOTOY : Niay balita,Bay  Karyo nga dili maayo.Apan nuon niay sab balita nga maayo  sab.

 KARYO : Unsang balitaa ang dili maayo,Bay?

 BOTOY : Dunay super typhoon nga taliabot sa Pilipinas nga kon molampornas  sa kayutaan way balay o mga bilding nga makabarog, tanan mahapay!

 KARYO: Sus,pastilan kakusog ba! Unya, unsa man poy maayong balita ,Bay?

 BOTOY : Ang maayong balita nga  ang bagyo duhaduhang motugsad  na  sa kayutaan.

 KARYO : Aw, maayo tinuod na da. Ngano naman pod?

 BOTOY : Kay  motipas na lang ang bagyo  sa  laing agianan kay gubot pang mga tawo dnhi  sa ayuda!

 KARYO : Ngee!

KADA RA POD

  BOTOY : Nahibaw-an nako Bay ,nga usa ka man diay ka  freelance  writer  sa usa  ka pamantalaan  didto  sa Cebu?

PORTING ( way  kadasig) : Oo,Bay.

BOTOY : Unya, kumosta  ang  ilang pamayad?

PORTING: Kada  sab  lagi.

BOTOY : Wow, kanindot  god  ana!

PORTING : Unsa  may nakaanindot   niana,Bay?

BOTOY : Kana  diay  nga kada man kaha? Kada  semana  gyud  na?

PORTING: Wa ko magsulti ana Bay,ha?

BOTOY : Matod  pa  bitaw  nimo  nga  kada?

PORTING: Mao  lagi. Kanang  kada  makahinumdom  ra  man. Duol ra gyud  sa hingkalimtan!

BOTOY : Ngee!😆

MAY PAAGI

 Human  sa makabungog ug talagsaong kadaogan ni Tulindoy nga napiling usa  sa mga bag-ong konsehal sa ilang lungsod  sa Kandugso,gi-interbyu dayon kini ni Pakdot  nga usa ka reporter.

PAKDOT (Nga  usa ka reporter): Kons Tulindoy mahimo bang imong isugilon kanamo ang imong sekreto  sa talagsaon mong kadaogan  sa miaging eleksyon? First  time nimo,nya midaog ka dayon,unsay imong sekreto?

KONSEHAL TULINDOY: Aw, wala koy sekreto,Dot. Pero, naa lay maayong paagi pahasubay ba  sa nahimo  uso ug trending karon.

PAKDOT (Naikag  ): Yamat ra Konsehal? Unsa man nang maong pamaagi o uso karon nga misaril man gyod bi?

KONSEHAL TULINDOY: Sa  akong paglansad,nangnihit gyud tawon  akong badyet,naputos pas daghang utang hangtod ron.Unya,ang nakapadaog gyud nako...(Miigham).

PAKDOT ; Unsa man ,Konsehal?

KONSEHAL TULINDOY: Ang nakapadaog nako mao ra gyud nang gi -level up sab nako ang akong  tulo ka P, kun PPP.

PAKDOT : Unsa man na,Kons?

KONSEHAL TULINDOY : Mao na ang  pagpanghambog,pagpamakak  ug daghang Pasalig-salig  ngadto  sa mga tawo! PPP!

PAKDOT : Butangi!

WAY LABOT

 Duha ka libakera  nagkaabot  sa tindahan ni Inday  Mayang  usa  ka  adlaw  niana.

MARITES : Sus, maykay  nia ka.

MARISOL: Ngano man,Tes?

MARITES: Hibawo kas mga tsismis ron nga sekreto man diayng nabuntis si Mandang nga anak ni Manang Senda?

MARISOL : Unyag nabuntis,unsaon man na?

MARITES: Nahibawo ka kinsang lakiha ang nakapabuntis ni Mandang?

MARISOL: Ha,kinsa man?

MARITES: Si Iktoy man kuno nga imong  anak!

MARISOL(Nakalitan): Ha? Uy,kon mao na ako dayong ipakasal ang duha kay maowaw tas mga tawo. Unya, gasige diay kag pakatap anang libaka!

MARITES: Wa  baya.

MARISOL:Karon diay nga imo man kong gisultihan.

MARITES(Nangatarongan): Mao gani kay inahan kang Iktoy.

MARISOL(Namula ang dagway sa kasuko): Uy,Tes bahalag lain atong  i-tsismis way labot nang akong anak ha! Bantay mohabhab kas kasal sa  akong anak unya ha?

MARITES(Mibawos): Uy,Sol nahibawo kana baya sa patakaran sa pagpanglibak.Ug,kanang kombera sa  kasal way labot na kay habhab!

INDAY  MAYANG (Nakapamati): Butangi,mao na! Tsismis  pa  more!

LAIN ANG MIABOT

TORYANA : Naunsa ka,Sing nga gahinuktok ka man diha?

LUSING: Da ,nagpaabot kos  akong gi-order nga "swimsuit" sa Ratsada wa man moabot.Dugay naman to nakong gi-order!

TORYANA: Mao ba,Sing? Mao nang naghinuktok ka?

LUSING : Mao god. Gamiton unta to nako mangaligo mis may Catarman- Cordova, anang   "lutaw-lutaw nga payag " diha sa  dagat ba karong San Juan.

TORYANA : Aw, mayna nuon,Sing wa kay bayrunon sa imong order kay wa man kaha  moabot . Pastilan,ako tawon ani ambot lang.

LUSING: Naunsa man sab diay ka,Toryana?

TORYANA : Da, miabot ning daghang problema nga wa man unta ko mag-order!

LUSING: Butangi!

MAYOR GIHAPON

TIKYO : Nahukman  na gyud  sa Sandigangbayan nga mapriso ang atong kanhing mayor,Bay  Abloy.
ABLOY: Yatis ra. Si Mayor  Gastador,kadtong  atong mayor dinhi  sa siyudad  nga malditohon pod?
TIKYO :  O,lagi. Napriso na,pero suwerte  gihapon  kay nabalik man  sa iyang naandang posisyon.
ABLOY:  Buot mong ipasabot nga nabalik sa pagka mayor na hinuon?
TIKYO :  O, didto na sa ilawom sa prisohan kay siya may gihimong mayor-mayor! 

PALAINOM DIAY

TIKYO ( Mibuyag kang Andoy  nga nagwandogwandog  sa paglakaw): Undanga na nang imong pagkapalahubog,Bay Andoy!
ANDOY ( Miyanghat ngadto kang Tikyo) : Unsay undangon god nga di man ang akong pagkapalahubog maoy sad-an niining tanan?!
TIKYO  : Kinsay may sad-an diay nianang imong pagkapalahubog,Bay?
ANDOY : Aw, ang ako gong pagkapalainom  nga   kay mahubog man ko !
TIKYO   : Butangi!