HINUNGDAN

IYOK :  Haskang dakoa sa sunog nga miulbo niining sayong buntag,Bay sa may Sityo  Kamansi!
TONYOK : Bitaw,Bay  nakapaminaw ko anang balitaa sa radyo .Daghan  tawong mga kabalayan ang gilamoy  sa  sunog.
IYOK        : Unsa  may  hinungdan  sa sunog,Bay?
TONYOK : Aw, may lain pa ba,Bay.
IYOK        : Unsa man?
TONYOK : Aw, ang kayo ra gyud,Bay!
IYOK        : Butangi!

KAPGO

OKOY : Unsay  imong trabaho ron,Bay  Ciano?
CIANO: Sa pagka karon  nagtrabaho na lang kog  call center,Bay  kay niundang ko sa akong pagka polis.
OKOY : Yatis ra.Maayo  man kaha?
CIANO: Maayo man pod dagko man ug suweldo.Ikaw,Bay Cian,unsa may trabaho mo pagka karon?
OKOY : Niadto kapgo ko didto sa Mindanao,pero karon wala na kay miundang naman ko.
CIANO: Nganong miundang kaman sa imong pagka cafgu,Bay?
OKOY : Kapgo,Bay?  Na, kapoyggukod  sa mga rebeldeng  badlungon!
CIANO  : Toink!

DILI MAKABAHA

TAKYO  :  Karon sa atong panahon,Bay bisan  tinagidyot  lang ang uwan pero dagkog lusok  nga matagak  mobaha  man dayon!
ISYOT    : Tinuod na,Bay. Pero  duna  paagi  nga dili unta magbaha,Bay bisag sigeg uwan.
TAKYO  : Duna  ba diay,Bay? Unsa man kuno na bi?
ISYOT    : Nindot unta  kon mag-uwan na lang ug  redhorse beer,   tanduay,emperador, beer pilsen,kulafu  ug  colt 45!
TAKYO  : Aw,  nindot gyud,Bay,pero nganong dili man magbaha?
ISYOT    : Unsaon pagbaha  nga sa dili pa kana matagak  sa yuta  sawron man dayon sa baba sa daghang mga palainom!

MAAPIL DIAY

TAKYO ; Hutda  nag kaon ang pagkaon,Ondoy ayg usik-usiki. Hibawo ka nga hangtod ron duna pay daghang  gipanggutom kay nabiktima sa miaging katalagman sa Yolanda nga bagyo.
ONDOY : Unya,Tay  kon ako ning hutdog  kaon maapil diay to silag kabusog?
TAKOY : Toink!

DILI NA KASUKOL

Maoy  nadunggan ni Sima ang iyang komare samtang diha sa ubos  sa panimalay niini nga gibatibatig kasaba ang iyang bana. Pagkataudtaod ,nanaog gikan sa balay ang iyang komare nga si Juana.
SIMA : Mare, naunsa man tong gikasab-an mo man ug maayo ang imong bana? Wala gyud ko  makadungog nga mitubag ang imong bana,hadlok diay na nimo,Mare?
JUANA : Da, motubag siya gision gyud nako  ang iyang dagway,Mare!
SIMA    : Kuyaw god ana,Mare. Unya,di mosukol ang imong bana,Mare?
JUANA : Unsaon man niya pagsukol ,Mare?
SIMA    : Kana bang sukmagon  ka unya niya,Mare.
JUANA : Di na siya makahimo,Mare. Di na mahitabo! Nungka!
SIMA    : Ngano man,Mare?
JUANA : Hagbay rang natigbak ang akong bana,Mare.Ay iya ra tong  letrato  uy nga  gisab-it sa bungbong  maoy gitudahan kog kasaba  !
SIMA    : Hay  kabayong  bayot!

DILI MAO

Human milabay ang mapintas  nga bagyong "Yolanda" naingon sa usa ka mamingawng  sam-ang ang bukirang baryo sa  San Agustin.Mingaw kaayo  ang kagabhion ug samot nga nagngiob  ang palibot kay wala may sugang dagitabnon nga mahimong iwag.Wala say mga kandela ni mga lamparilya kay uban man kining gilambuyog  sa miaging katalagman.  Nianang pagka buntag nakahunahuna si Tikoy sa pagsugo sa iyang anak nga si Tikyo pagpapalit ug  gas aron ilang ikabutang sa lamparilya.
TIKYO (Nangayog katahuran sa tindera): Papalita  kog  gas,Nang.
Apan  ingon sa wa makadungog ang tindera.Busa, miusab na sab pagsampit si Tikyo.
TIKYO(Gikusogkusog ug diyutay ang tingog): Papalita  kog  gas ,Nang!
Apan  sa gihapon wa manumbaling ang tindera,wala gihapon makadungog.
TIKYO(Gisinggitan  ang tindera): Papalita kog gas,Nang!
TINDERA(Misiga ang mata): Unsa? Unsay pagtuo nimo nakong bataa ka,bungol?
TIKYO (Mikalma): Papalita kog gas,Nang.
TINDERA(Nasuko): Tonto  gyud kang bataa ka,mangita  kag  bugas nga hangtod ron wa pa man gani miy  gilung-ag!
TIKYO : Toink!

HADLOK MOBALIK

Sulod  sa  evacuation center  nagkakita ang managhigalang  Toming ug Ondoy.
TOMING  : Bay Ondoy,kumusta ang imong  pamilya?
ONDOY   :  Luwas  man ming tanan,Bay  kaluoy  sa Ginoo ug nia lagi mi  sa  evacuation center  ron  nagpalurang  niining  kapintas  sa bagyo. Ikaw,Bay  ug  ang imong  pamilya?
TOMING  : Nia  pod mi dire,Bay. Kon mahuman na ning katalagman,Bay  ug mapahiluna ko na ang akong  pamilya kinahanglan gyud nga mobalik ko sa gawas  sa nasod aron manikaysikay  na  sab. Unya,ikaw,Bay  Ondoy dili ka na mobalik didto  sa Saudi  Arabia?
ONDOY   : Bahala na,Bay Toming  dili na ko mobalik pa didto kay mosamot kog ka demalas!
TOMING  : Nganong mosamot man kag kademalas,Bay Ondoy?
ONDOY   : Niadtong  una kong pag-adto  sa Saudi ug sa dihang nahibalik ko sa Pinas nanganak ang akong  asawa  sa ikaduha nga anak,ambot kang kinsa kay didto  man ko sa gawas niadtong higayona.
TOMING : Mao ba ,Bay?Unya?
ONDOY   : Unyag  mobalik ko  sa ikaduha  didto  sa Saudi  Arabia ,nabalaka ko  nga sa akong pagbalik na sab dinhi sa Pinas duna na sab  unya  koy kaluha  nga di na sab ako-a!
TOMING : Butangi!