GISUDLAN

Daling gitabang sa mga nakakita ang usa ka babaye nga gisudlag "daotang espirito"  sulod  sa usa ka dakong Mall. Dihay  pari nga  miabot dayon.
PARI(Misablig sa bendita): Pahawa,Satanas! Layas, ug palayo dinhing dapita!
SATANAS(Nangyamiid):    Ka OA baya nimo,Dre. Imo kong palayason,unsay imong pagtuo imo ning dakong Mall?

HINUGO

ISYAT : Dong, paliti ra god ko didtog napkin  sa tindahan.
ODONG: A,uyab pa gani ta,Syat grabe naman sab ka  kahinugo uy! Unsa,imo kong inahan?
ISYAT (Nangyamiid): Di bitaw,unya kakusog baya nimong buanga ka nga motutoy!

LAIN ANG GIPILI

Pagdayong liko ni Andat sa eskina Tidlom  iyang natangkaan ang usa ka tawo nga nag maskara nga dunay gikuptang kutsilyo.
TAWO (Midul-it sa kutsilyo) : Pagpili: imong bag  o, kining  akong buhi?
ANDAT (Naratol): K-kining ka-nang buhi na lang mister hold-aper.
TAWO  : Ngano man?
ANDAT: Maayo na kay mopugong  sa akong ihi! Kaganiha ra kong ka-ihion!

WALA MOSUNOD

Miulbo ang dakong sunog sa sinehan nga ilang gisudlan ni Tikyo ug Bayok.
TIKYO : Dagan,Bay Bayok adto ta sa may fire exit! Pagdali  diha...!
Apan si Bayok wa mosunod ni Tikyo  sa pagdagan padulong ngadto  s a   may  fire exit.
TIKYO (Nahibulong. Gisinggitan ang higala)) : Sunod dire nako,Bay Bayok!
BAYOK (Mibalos pagsinggit): Dili ko,Bay! Ikaw lang diha...
TIKYO  : Nganong dili kaman mosunod nako?
BAYOK : Mosunod ko nimo nga kanang  payer eksit anha man agi ang kalayo!

NANIGURO

ONTOY : Unsay imong trabaho ron,Bay Ano?
ANO      : Sikyo ra ko ron,Bay sa  dakong tindahan sa Siyudad.
ONTOY : Unyag tulison ang tindahan nga imong gibantayan ,unsa may imong buhaton?
ANO      : Modagan ko,Bay.
ONTOY : Katalawan god nimo?
ANO      : Unyag maigo kos pinusilay,patay ko! Unsaon man nakog-secure  akong kinabuhi  kon patay nako,sikyo ra god tawon ko!
ONTOY : Butangi!

NAGLIBOG

TIKYO  : Hangtod pa ba karong mga higayona,Masyang dili mo gihapon ako sugton?
MASYANG : Ambot ba ani,Tikyo uy naglibog man ko.
TIKYO        ; Nganong  naglibog kaman,Masyang?
MASYANG(Libat): Duha man god ka  sa akong  panan-aw!
TIKYO    : Maoy gidangat!

ANG GIKAHADLOKAN

OLDOK :  Didto   sa baryo sa  akong  asawa,Bay Sinto dunay daghang  apelyido  didto nga puwerte pagka kuryoso.
SINTO  :  Unsa mang mga  apelyidoha,Bay?
OLDOK: Dunay  nag-apelyido  didto ug Baraw,Cuchillio,Corta  ug Pinote.
SINTO   : Hait god anang mga  apelyidoha.
OLDOK ; Mao lagi. Pero,Bay usa ra gyuy ilang  nahadlokan.
SINTO   ; Unsa man?
OLDOK : Taya  ra gyud!

MAO DIAY

TAPAKLONG  : Nganong  sagad  kidnapon,Bay  mga insek man,ug  pangayoan  ug  dagko  kaayong ransam?
TAKYO    : Bitaw.
TAPAKLONG : Unya,nganong  dili man Amerkano,Pinoy,O Arabo  nga nia pod sa atoa  sa Pinas?
TAKYO    : Abi god nimo,Bay ang Amerkano pulos lang credit card, ang Pinoy  mahulog lang pod  sa data-data.Unya  ang  Arabo payebsik pod.
TAPAKLONG : Unya ang insek?
TAKYO           : Ang mga insek kay cash  on delivery man!
TAPAKLONG ; Butangi!

NANINGKAMOT POD

Maoy  nahibudngan ni Bosyo  sa paghiabot niya gikan sa Saudi Arabia nga nahimong upat na ang ilang anak ni Masyang. Sa iyang natiman-an, duha ra ang ilang  anak  sulod  sa kinse  ka tuig  nga nahilayo siya sa iyang asawa.
BOSYO  (Masuk-anon) : Unsa man kining  hitaboa,Syang? Pasabti gani ko kon ngano ning hitaboa!
MASYANG (Nagkabungabunga): K-Kining k-kalma  lang,S-Syo.
BOSYO   : Nagbudhi  ka  sa  atong  kaminyuon,Masyang  luyo  sa  akong pagpaningkamot  didto  sa Saudi  Arabia?
MASYANG : Ayaw  pag-ingon  niana,Syo. Unsay  pagtuo  nimo ikaw  ray naningkamot?
BOSYO( Misinta na sa tumang kasuko): Kay unsa may imong  paningkamot?
MASYANG : K-Kini diayng  upat na ang atong mga anak ron! Naningkamot sab ko dirig ako,Syo,uy!

HADLOK DIAY

Dugay  nang naghalad si  Pitoy  sa iyang gugma ngadto kang Mesyang.Hangtod usa ka gabii niana atol sa Valentines Day giprangkahan  siya  sa dalaga.
MESYANG  : Ang  tinuod,Toy wa gyud ko bisan diyutay  nga paghigugma nimo uy. Pangita na lag lain nga halaran mo nianang imong pagbati...
PITOY(Nagsukmoy): Bisag gamay,Syang, wa gyud?
MESYANG               : Wa gyud,Toy.
PITOY(Mihulga)       : Kon mao man lang gani na,Syang  maayo pang magpakamatay na lang ko pinaagi  sa pag-ambal sa  Marcelo Fernan Bridge....
MESYANG(Nakuyawan: Mahimo kaha na nimo,Toy?
PITOY : Ngano  gong  dili?
MESYANG: Atol  gyud niining Valentines  Day?
PITOY        : Bisan  god ug...
MESYANG: Nus-a man,Pitoy?
PITOY       :  Moambak ko kon makakita nakog parakyot!

MINARUNONG

MEDYONG  : Maayo  gyud  nga dunay insyurans,Bay.
TERYO         : Bitaw.
MEDYONG  : Niadtong  pagkasunog  sa  akong balay nakakuha ko ug  dos milyones  sa  akong insyuran,Bay.
TERYO         : Aw,gamay ra diay. Ako,Bay Medyong  niadtong  pagkaguba  sa  akong balay sa linog nakadawat man ko sa akong insyuran ug lima ka milyon.
MEDYONG(Nakabarog  sa gilingkoran): Yamat  god.
TERYO         : Lagi!
MEDYONG(Mihagawhaw ngadto kang Teryo): Bay Teryo,giunsa man sab to nimo paghimo ang linog?
TERYO         : Butangi!

SULTI SA TINUOD

Atol sa  Valentine's  Day diha  sa pantaw sa ilang balay nagsultihanay si Amboy ug Basyang.
BASYANG : Boy, kinsa man ang pinakaguwapang babaye  sa  imong kinabuhi?
AMBOY     : May lain pa,ikaw  gyud syempre nga  akong asawa!
BASYANG(Nahimuot): Kinsa  man sab  ang pinakabatig  nawong  nga babaye  sa  imong kinabuhi?
AMBOY     : Saba diha,Syang uy, naa na ka na sab. Misulti bitaw ko nimo sa tinuod napuno man ko sa imong kinawrasan!

DAWAT DAWAT

Gipangutana  ni PO1 Tapaklong  ang dinakpan nga si Osoy.
PO1  TAPAKLONG : Nganong  nasulod kaman dinhi sa bilanggoan,Osoy?
OSOY                       : Gumikan  sa kalisod,Sir.
PO1 TAPAKLONG  : Unsa man ka, ulitawo  o  pamilyado?
OSOY                       : Pamilyado intawon ko,Sir. Katorse  ka buok  ang akong mga anak  nga gibuhi.
PO1 TAPAKLONG  : Sus,pagkadaghan ba. Dili  diay  manabang  ang imong  mga anak?
OSOY                       : Motabang man pod,Sir. Ila  man kong  tabangan  sa dawat dawat.
PO1 TAPAKLONG  : Aw,karpentero diay  ang imong  trabaho?
OSOY                       : Dili  man,Sir.
PO1 TAPAKLONG  : Unsa  man diay?
OSOY                       : Isnatser ra man,Sir!

GITINUOD NA

Maoy  nakit-an ni Noy  Pasyo  si Tapaklong  nga gipaak  sa ilang iro nga bag-ong nanganak  paghiagi  tungod  sa ilang balay. Dali kini  niyang gibugaw ang iro.
NOY  PASYO : Wa  man ka magbantay,Klong. Naaksidente ka hinuon nga napaakan  sa among iro.
TAPAKLONG(Nagtakihod nga milakang): Dili na ni aksidente,Noy Pasyo  uy!
NOY PASYO  : Nganong nakasulti ka man niana,Klong?
TAPAKLONG : Gituyo gyud ni sa imong iro nga iya kong paakon!

NANGITAG LUSOT

TAPAKLONG(Mihapuhap  sa bukton ni Leonila): Abi nimo,love  mosamot gyud ang imong ka guwapa kon maglagot ka.
LEONILA : Tinuod ka,Klong?
TAPAKLONG : Mosamot ang ka manggahon  sa imong aping. Mo-cute sab  ang imong  mga mata.
LEONILA(Nakabantay sa bulatik sa bana): Saba diha,Klong,uy
TAPAKLONG : Bitaw,Love.
LEONILA  (Mitampalong sa ulo sa bana): Bantog ra nga gasige kag adto sa beerhouse  kay gusto  kang maglagot ko kanunay!

NANGATARONGAN

FELISA : Mare,kon mahimo ako una  ning  i-prenda nimo kining among repridyeritor kay nagkinahanglan kog kuwarta.
JUANING: Ingon  ka,Mare, wala nay kapuslanan  ang inyong ref kay  nadaot naman na?
FELISA    : Bitaw. Mare.  Pero, mapuslan pa man ni gihapon.
JUANING: Unsaon man?
FELISA    : Para  prenda  na  lang!

LATA RA

ANDOT  : Nganong  kamong mga Muslim,Kiram  gidili  man ninyo  ang pagkaon ug baboy?
KIRAM   : Gidili  man kana igso  sa among pagtuo  sa Islam,ug gipahimangnoan kami niana  sa among  Imam!
ANDOT  : Mao  ba? Unya,nganong mikaon kaman lagi nianang baboy?
KIRAM   (Nakalitan) : Ang hain god?
ANDOT                      : Ang kana god nga imong gikuptan.
KIRAM(Nangatarongan  kay nasakpan): Aw, kini ? Lata ra man kini  sa pork and beans!
ANDOT : Ngee!

NAGSELEBRIT DIAY

Paghilabay  nilang Sidoy ug Imyat tungod sa tindahan ni Nang Bibeth maoy ilang  nakita si  Ontoy nga nagsigeg tungab  sa Kulafu.
SIDOY   : Grabeha  man anang Ontoy nga  kusog man kaayong moinom.  Kada  kita  ko anang tawhana  mag-inom man ug ilimnong  makahubog!
IMYAT (Mihagawhaw kang Sidoy): Uyab ko na kaniadto. Pero sa dihang nakabuwag mi kay naminyo nimo diha  nagsugod  sab  ang iyang pagkapalainom...
SIDOY  : Mao ba?
IMYAT  : Mao lagi. Na-indespair siguro.
ONTOY( Morag  nakadungog sa gipamulong ni Imyat. Nangigham): Hmmm! Indisper nya?
IMYAT (Nakaahat  pagsagbat): Di ba,Toy?
ONTOY(Namula ang nawong ug misigang  mata): Selebrit  ra ning akong,Myat uy,kay suwerte gyud ko nga wa maminyo sa batig dagway!
SIDOY  : Butangi!

DILI PUGNGAN

Human mautingkay sa tulisan ang lawak ni Ontoy nagdalidali kining milili pagbalik sa pultahan  pagtino kon wala bay lain tawo nga nakakita kaniya.
ONTOY : Way tawo nga lain dinhi,Mister kawatan kami ra tawon ang akong Lola nga naa sa pikas kuwarto.
TULISAN : Batan-on pa nang imon g  Lola?
ONTOY    : Tiguwang na tawon na mister Tulisan.Ayaw tawon pasipad-i.
TULISAN (Nakapanglingolingo): Aw, di diay mahimong lugoson?
ONTOY    : Ayaw,tawon mister Tulisan.
Samtang  sa pikas kuwarto   nakadungog  diay ang apohan'g  babaye ni Ontoy.
APOHANG BABAYE (Mitawag kang Ontoy.Miigham): Ehem! Dong Ontoy!
ONTOY  : La?
APOHANG BABAYE : Kon unsa ganiy nahunahunaan sa tulisan ayg pugngi!
TULISAN : Butangi!

TUMBAHON RA

TIKYO : Kon sugton ko nimo,Dat,magpakasal  dayon ta. Magtumba  kog  lima ka buok baka  sa atong  kasal.
DADAT: A,ka daghan god anang tumbahon,Tikyo. Mahurot kaha nag kaon sa mga tawo?
TIKYO : Aw, kinsa may nag-ingon nga kan-on,Dat?
DADAT: Unsaon man diay na?
TIKYO : Tumbahon ra man na ug human sa kasal pabarugon na pod balik!

KUSOG MOBOWA

Taudtaod nang nakapamobo  si Antoy ug tubig sa iyang pagkaligo sa dihang may nahunahunaan siya.
ANTOY  :  Day Tikya,tagai ra god kog shampoo kay  akong ikunkon  sa  akong ulo.
TIKYA(Didto  sa kosina): Wala naman tay shampoo , Antoy kagahapon rang nahurot  sa pagkaligo sa imong  anak nga si Butsoy.
ANTOY   : Unsaon man niini ron. Wala na gyuy lain pang mahikap diha?
TIKYA(May nahunahunaan): Aw, di-a  man kusog pod ring mobuwa ug maayong ikunkon sa imong ulo nga napuno  sa kuto!
ANTOY  : Hay, salamat,unsa man na,Tikya?
TIKYA    : Kini  na lang para hugas  sa plato kay kusog mobowa!
ANTOY  : Butangi!

WALAY NAKITA

Nagpabunyag  si  Tonyo sa ilang Pastor usa ka higayon  niana. Ug, ang pagbunyag didto himoa  sa daplin sa baybayon  usa ka sayong buntag niana.
PASTOR (Mituslob kang Tonyo  sa tubig-dagat): Nakita  mo ba ang Ginoo?
TONYO(Milingolingo)                                        : Wala man,Pastor.
PASTOR(Miusab na sab pagtuslob kang Tonyo) : Nakita mo ba ang Ginoo?
TONYO(Mipusnga)                                              : Wala man gyud,Pastor!
PASTOR(Miusab pagtuslob kang Tonyo,ug dugay nga gibira ang ulo.Pagkataudtaod): Unya, nakita na nimo ang Ginoo,Tonyo?
TONYO(Giabot  ug kapikal midistansya sa Pastor): A,wa man gani koy nakita sa lawom sa dagat bisag isda,ang Ginoo pa kaha?

NAKAANGAY

Usa  ka gabii nianang bulanon  sa daplin  sa baybayon nahasuroy  si Emok,ug didto  nagkaabot sila si Andat  nga bag-o pang  nabiyuda.
ANDAT(Miuna  pagtagad): Uy, Mok nahasuroy kaman lagi dinhi  sa baybayon?
EMOK                               : Nahasuroy lang naa ra man ang among balay  diha  sa unahan.
ANDAT(Misikit paglingkod  kang Emok  sa nag-igdal nga punoan  sa  lubi): Mok,duna koy ipangutana  nimo dili ka masuko?
EMOK       : Nganong masuko man? Unsa man na bi?
ANDAT     : Unsa man ang mga hiyas nga magustohan  mo sa usa ka babaye?
EMOK(Miigham): Hmm! Bisag  dili  guwapa,Dat  unya  mahinhin lang ug di artehon.  Ug, labaw  sa tanan kanang may pagkabigatlon ug gamay...
ANDAT    : Aw,maorag  ako man ron!
EMOK      : Toink!

NAKABAWOS POD

BOTYOK( Mitunol  sa plite ngadto sa drayber):  Niang plite nako Noy,o.
DRAYBER(Midawat)              : Diin  man ni gikan,Dong?
BOTYOK( Naglibog kon unsay itubag): Aw,  sa akong bolsa,Noy.
DRAYBER                               : Diin  ka ba nisakay kaganiha?
BOTYOK                                 : Dire ra man ko misakay niining imong multicab,Noy wa may lain.
DRAYBER(Naglagot sa tinubagan ni Botyok): O, nia ang imong sukli.
BOTYOK  (Mihiling sa sukli) : Kuwang man ni,Noy.
DRAYBER                               : Nganong kuwang man?
BOTYOK                                 : Pila  diay ang Maribago,Noy?
DRAYBER(Misingka)             : Ngano,imong paliton ,Dong  ang Maribago?
BOTYOK                                 : Butangi!

ANG NAINGNAN

ODOG  : Nahibawo  ka ba sa balita,Bay?
BOTOY: Wala,Bay. Unsa man  nang balitaa bi?
ODOG  : Si  Etot,nalumos  kagahapon  ug namatay!
BOTOY: Yamat god? Tinuod na,Bay?
ODOG  ; Mao  lagi,di man ka motuo!
BOTOY: Maayo  man tong molangoy,unya  malumos  diay?
ODOG  : Da  nalumos  tawon,Bay paghigop niyag  sabaw,ug gisundag  ataki  sa hayblad! Patay  hinuon!

BES PREN

OSOY : Unsang mananapa,Bay ang way  ayo?
ANTO : Ang  iro ,Bay.
OSOY : Nganong  nakaingon kaman ana nga ang iro way ayo,Bay nga matang sa mananap? Di ba ang iro man maoy gitawag  nga  man's  best  friend?
ANTO : Maoy ingon nila. Unya, nakadungog kag laing mananap nga maoy mabuang?
OSOY : Wa  man pod.
ANTO : Unyag  mabuang  ang  iro, bes pren pa diay na? Mamaak naman nag mabuang!

WALAY KLARO

Nakapanglingolingo si Tikoy  sa gipanulti ni Idang bag-ohay pa lang.
TIKOY (Misukot): Wa gyud ko kasabot niadtong  imong gisulti kaganiha,Dang.
IDANG                : Ang hain god niadto,Koy nga wala nimo  masabti?
TIKOY                : Ingon man god ka,Ponyong padayon  sa  imong paglakaw, ug ubanan ka unta sa Diyos  sa imong panaw...
IDANG                : Unya, hain man diha ang wala nimo masabti nga pagka klaro nianang akong gisulti?
TIKOY                 : Unsa goy naka klaro anang imong gisulti?
IDANG                 : Kana god?
TIKOY                 : Klaro diay na nga si  Ponyong dili man na makalakaw kay gipalarayes!
IDANG                 : Toink!

BAG-O PA

Wa pa gani makalarga ang multicab  nga gidrayban ni Butyok milanog ang sipa  kaayong buto. Ang tanang pasahero diha sa sulod  dali nga nanggawas ug  nagpanan-aw diin  gikan  kadtong buto.Si Tapaklong  nga usa sa mga pasahero nakamatikod nga ang ligid  sa abante sa  multicab maayong pagka gisi.Kini  diay  maoy  mibuto  kaganiha.
TAPAKLONG  : Kini  diayng imong ligid sa abante ang mibuto kaganiha,Bay Butyok.
BUTYOK         : Yamat  god ani nga bag-o  pa man ni kaayo.
TAPAKLONG(Nahinganha): Ha? Bag-o god tawon nga ka klaro anang nahilis na? Nipis na kaayo na!
BUTYOK         : Ay bag-o pa lagi  tawon kaayo ni.
TAPAKLONG  : Unsa may nakabag-o  god tawon ana,'Yok?
BUTYOK         : Bag-o  pa man ni nakong gipatapakang ligira!
TAPAKLONG  : Toink!

MOHUNONG

Niining  buntaga  maoy unang gipasabot ni Maestro Tiago ang iyang mga tinun-an kon unsay buhaton kon adunay  mahitabo nga linog.
MAESTRO  TIAGO(Nangutana ): Kon dunay moabot nga linog,Ikang unsay imong buhaton?
IKANG     : Kalma lang ko,Sir  unya mangita kog  septi  nga lugar aron dili matumbahan sa mga butang nga  matumba  ug mahulog.
MAESTRO TIAGO  : Maayo. ( Milingilingi  ngadto sa ubang mga tinun-an.Nakita niini si Etot nga nagkalingawg  tabi sa iyang katupad nga si Koing,maoy iyang gitawag). Ikaw, Etot unsa may imong buhaton kon dunay  linog?
ETOT(Nakalitan.Nataranta): S-Sayon ra,Sir.
MAESTRO  TIAGO : Unsa man?
ETOT                        : Pasigaon dayon nako ang suga,Sir!
MAESTRO  TIAGO : Ngano man,Etot?
ETOT                         : Kuan man god,Sir matag gabii ra man god maglinog sa among payag.Unya,kon pasigaon  na nako ang suga mohunong man sad ang linog!
MAESTRO  TIAGO  : Butangi!

WA MAGKASINABOT

Gitimbaya usa niana ka buntag ni Nang Talina  si  Igsang nga bag-ohay pang nahiabot gikan sa Manila. Nahilabay kini sa ilang tugkaran samtang si Nang Talina nanilhig.
NANG TALINA : Kumosta na ,Day Igsang,nahiabot kana diay gikan sa Manila?
IGSANG(Nagpakaaron-ingnon nga wala makasabot):  Bakit?
NANG TALINA(Nahilaw sa tinubagan): Aw, nia lagiy basket kay moadto man ko sa merkado human kog panilhig.
IGSANG : Anong sinabi mo?
NANG TALINA(Naglagot): Ay,dugay na tawong namatay ang imong Manong Sabino,Day.
IGSANG  : Ano?
NANG TALINA(Nagpalingalinga): Ay si Ano tua na,Day  sa Siquijor kay naminyog  usab sa taga didto!
IGSANG : Hindi ko makaintindi  ng Bisaya. Mababaliw ako dito!
NANG TALINA : Na, wala man tawon dungga si Tinding ,Day  nga gibaliw nga mikaog ito!
IGSANG             : Ngee!

ANDAMON

SENYORA TEKILA : Nang Andat andama didto ang lamesa kay hapit na moabot ang akong mga bisita. Unya, butangi  ug daghang mga lamiang mga pagkaon. Sige na.Puwede sigurong mag  datslan kay diyutay ra ba ang atong mga lingkoranan...
ANDAT (Katabang); Oo,Nyora.
Paglabay  sa pipila ka minutos gisusi  ni Nyora Tekila ang kusina. Nahinganha kini.
SENYORA TEKILA : O,hain man diha ang lamesa nga akong gipaandam nimo,Nang Andat. Ug, kanang  mga pagkaon imo man lang nang gitungtong kilid sa lababo.
ANDAT (Nangatarongan): Nganong mag-andam man kog lamesa,Nyora nga  ingon pa bitaw nimo mag-datslan!Di man mo manglingkod atubangan sa lamesa!

NAGPAKITABANG

DUDAY : Bakla ka, Yog?
BAYOG : Dili tawon ha!
DUDAY : Sige,Yog  hagki ang nagduga  sa katam-is kong mga ngabil.
BAYOG :  Dili  ko.
DUDAY :  Bakla lagi dyud ka.
BAYOG : Dili  lagi.
DUDAY : Guniti ngani ning dughan ko bi nga naghitinghiting  sa  kalami!
BAYOG(Wa na makaagwanta,misinggit): Tabangi ko ninyo kay lugoson kos bayot!

NAKAMINOS

TIKYO :  Kon ang usa ka tawo motan-aw dayong kidhat nimo,unsay buot ipasabot ana,Bay?
GORYO: Aw, naibog na nimo.
TIKYO :  Unya,kon di makaharong  sa pagtan-aw diha nimo,Bay?
GORYO:  Tingale  in  love diha nimo.
TIKYO  : Unya,kon ang tawo labihang makatutok nimo tiil hangtod ulo,ug moagik-ik  panagsa?
GORYO:  Aw,suntoka  na kay nakaminos sa ka bati nimog nawong!

DILI PA MOINOM

Labihang  sukoa ni Tikoy dihang maoy  iyang nakita ang kabaw nga gihikot sa dakong punoan sa Buongon nga nagdiwalwal nang dila sa tumang kauhaw. Gitawag niya ang iyang anak nga si Ikot.
TIKOY  : Dong Ikot naunsa man ning kabaw nga wala man diay nimo paimna!
IKOT(Miduol. Nangatarongan): Ako na bitawng  unta nga paimnon nang kabaw ta.Unya,mingaab man na siya kaganiha...
TIKOY  : Mingaab  god tawon naunsa man diay ning kabaw?
IKOT     : Hubog  pa daw siya .
TIKOY  : Ngee!

PAIMNON

Dihang gibati ni Tikoy  ang labihang kakapoy kaganiha nga gikan sa iyang umahan iya na lang gisugo ang iyang anak nga si Ikot sa pagpainom sa ilang kabaw nga gihigot didto sa dakong punoan sa Buongon.
TIKOY :  Dong Ikot paimna didto ang kabaw nga akong gihigot sa dakong punoan sa Buongon.
IKOT    :  O,Tay. ( Dayong  lakaw).
TIKOY ( Human makatagpilaw didto iyang gisusi ang kabaw.Ug, maoy iya nakita nga ang kabaw naghingal ang dila timaan nga gibatig kauhaw. Iya gitawag ang iyang anak nga si Ikot); Ikot,dali ra god dire,dong...
Tuod man, miabot si Ikot.
IKOT      : Ngano,Tay?
TIKOY   : Unsay, ngano? Tan-awa ning kabaw nga nagdiwalwal naman gani ning dila kay giuhaw! Di ba giingnan ko man ikaw nga paimna ang kabaw?
IKOT      : O,Tay.
TIKOY   : Unya, naunsa man ning kabaw nga giuhaw man,pila ka baldi nga tubig ang gipainom nimo?
IKOT( Nagpangawot sa ulo):  Usa ka botelyang tubig ra man to,Tay!